fbpx
ಸಮಾಚಾರ

ಪ್ರಿಯಾಂಕಾ ರೆಡ್ಡಿ ಅತ್ಯಾಚಾರ: ಹೀನ ಕೃತ್ಯದಲ್ಲೂ ವಿಕೃತಿ ಮೆರೆದ ಸೂಲಿಬೆಲೆಗೆ ‘ಛೀ’, ‘ಥೂ’ ಎಂದ ನೆಟ್ಟಿಗರು!

ತೆಲಂಗಾಣದಲ್ಲಿ ನಡೆದ ಪಶು ವೈದ್ಯೆ ಪ್ರಿಯಾಂಕಾ ರೆಡ್ಡಿ ಅತ್ಯಾಚಾರ ಮತ್ತು ಹತ್ಯೆ ಪ್ರಕರಣ ಇಡೀ ದೇಶವನ್ನೆ ಬೆಚ್ಚಿಬೀಳಿಸಿದೆ. ಪಶು ವೈದ್ಯೆ ಹತ್ಯೆ ವಿರುದ್ಧ ಸಾರ್ವಜನಿಕರಿಂದ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದೆ. ಜೊತೆಗೆ ದಕ್ಷಿಣ ಭಾರತೀಯ ಚಿತ್ರರಂಗದ ಕಲಾವಿದರು ಕೂಡ ಪ್ರಿಯಾಂಕಾ ರೆಡ್ಡಿ ಹತ್ಯೆ ವಿರದ್ಧ ಆಕ್ರೋಶ ಹೊರಹಾಕುತ್ತಿದ್ದಾರೆ.

ಆದರೆ ಕೆಲವು ವಿಕೃತ ಮನಸ್ಥಿತಿಯುಳ್ಳ ಕೊಳಕು ಮನುಷ್ಯರು ಅತ್ಯಾಚಾರದಂತಹ ನೀಚ ಕೃತ್ಯದಲ್ಲಿಯೂ ಧರ್ಮದವನ್ನು ಎಳೆದು ತಂದು ತಮ್ಮ ವಕ್ರ ಬುದ್ದಿಯನ್ನು ಪ್ರದರ್ಶಿಸುತ್ತಿದ್ದಾರೆ.. ಇಂಥಾ ವಿಕೃತರಲ್ಲಿ ಟೀಮ್ ಮೋದಿಯ ಸ್ಥಾಪಕ ಚಕ್ರವರ್ತಿ ಸೂಲಿಬೆಲೆ ಅಗ್ರಗಣ್ಯವಾಗಿ ನಿಂತಿದ್ದಾರೆ. ಹೌದು ಚಕ್ರವರ್ತಿ ಸೂಲಿಬೆಲೆ ಅತ್ಯಾಚಾರ ಪ್ರಕರಣದಲ್ಲಿಯೂ ಧರ್ಮದ ಸೋಗನ್ನು ಎಳೆದು ತಂದಿದ್ದು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

 

 

ಘಟನೆಗೆ ಸಂಬಂಧಿಸಿ ಟ್ವೀಟ್ ಮಾಡಿದ್ದ ಚಕ್ರವರ್ತಿ ಸೂಲಿಬೆಲೆ ‘ನನ್ನ ಹೆಸರು ಮುಹಮ್ಮದ್, ನಾನೊಬ್ಬ ಅತ್ಯಾಚಾರಿ’ ಎನ್ನುವ ಬರಹವುಳ್ಳ ಫೋಟೊವೊಂದನ್ನು ಪೋಸ್ಟ್ ಮಾಡಿದ್ದರು. ಆದರೆ ಈ ಪ್ರಕರಣದಲ್ಲಿ ಭಾಗಿಯಾಗಿದ್ದ ಜೊಲ್ಲು ನವೀನ್, ಜೊಲ್ಲು ಶಿವ ಮತ್ತು ಕೇಶವ ಎಂಬವರ ಹೆಸರುಗಳನ್ನು ಸೂಲಿಬೆಲೆ ಟ್ವೀಟ್ ನಲ್ಲಿ ಉಲ್ಲೇಖ ಮಾಡಿರಲಿಲ್ಲ. ಅತ್ಯಾಚಾರಿಗಳಲ್ಲೂ ಧರ್ಮ ಹುಡುಕುವ ಮತ್ತು ತಮ್ಮ ಕೋಮಿನ ಅತ್ಯಾಚಾರಿಗಳ ಬಗ್ಗೆ ಮೃಧು ಧೋರಣೆ ವಹಿಸಿರುವ ಸೂಲಿಬೆಲೆಗೆ ನೆಟ್ಟಿಗರು ನೀರಿಳಿಸುತ್ತಿದ್ದಾರೆ.

 

 

ಇವನ ಜೊತೆ ಶಿವ, ಕೇಶವುಲು, ನವೀನ ರೇಪಿಸ್ಟ್‌ಗಳು ಇದ್ದದ್ದು ಜಗತ್ತಿಗೇ ಗೊತ್ತಿದ್ದರೂ ನಿನ್ನ ಹೊಲಸು ಮನಸ್ಸಿಗೆ ಹೇಗೆ ಗೊತ್ತಿರಲು ಸಾಧ್ಯ., ಉಳಿದ ಮೂರು ಜನ ನಿನ್ನ ಸಂಬಧಿಕರು ಏನಪ್ಪಾ,, ಯಾಕೆ ಸ್ವಾಮಿ ಇಂತ ಕೆಟ್ಟ ಕ್ರೈಮ್ ನಲ್ಲು ನಿಮ್ಮ ಅಜೆಂಡಾ ತೋರಿಸ್ತೀರ,, ಅನರ್ಹರು ಹೇಗೆ ಅನರ್ಹರೋ ಹಾಗೆ ಅತ್ಯಾಚಾರಿಗಳು ಅತ್ಯಾಚಾರಿಗಳೇ. ಅವ್ರಲ್ಲೇಕೆ ಜಾತಿ ಹುಡ್ಕೋದು ಎಂದೊಬ್ಬರು ಸೂಲಿಬೆಲೆಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ..

 

 

“ಎಲ್ಲಾ ವಿಚಾರಗಳಲ್ಲಿ ನಿಮ್ಮ ಬೇಳೆ ಬೇಯಿಸಿಕೊಳ್ಳೋಕ್ಕೆ ನೋಡ್ತಿರಲ್ಲ ಸ್ವಾಮಿ.4 ಅತ್ಯಾಚಾರಿಗಳಲ್ಲಿ ನಿಮಗೆ ಕಂಡದ್ದು ಒಬ್ಬ ಮಾತ್ರ ಹಾಗು ಅವನ ಧರ್ಮ.ಮೊದಲು ನಿಮ್ಮಂತವರನ್ನ ನೇಣಿಗೆ ಹಾಕಬೇಕು. ಆತ ಬೇರೆ ಕೋಮಿನವನು ಅಂತ ಅವನನ್ನು ನೇಣಿಗೆ ಹಾಕಿ ಅಂದಿದ್ದೀರಾ? ನಿಮ್ಮ ಪ್ರಕಾರ ಉಳಿದ ಮೂರು ಜನರು ನಿಮ್ಮ ಕೋಮಿಗೆ ಸೇರಿದವರು ಎಂಬ ಕಾರಣಕ್ಕೆ ಬಿಟ್ಟುಬಿಡಬೇಕೆ? ಅವರು ಅತ್ಯಾಚಾರಿಗಳಲ್ಲವೇ? ಅತ್ಯಾಚಾರವನ್ನು ಯಾರೇ ಮಾಡಿದರು ಅದು ಅತ್ಯಾಚಾರವಲ್ಲವೇ? ಇಂಥಾ ನೀಚ ಕೃತ್ಯಕ್ಕೂ ಕೋಮಿನ ಬಣ್ಣ ಕಟ್ಟಬೇಕೇ” ಎಂದು ನೆಟ್ಟಿಗರು ಸೂಲಿಬೆಲೆಗೆ ಚಳಿಬಿಡಿದ್ದಾರೆ.

 

 

 

 

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top